Poslovne vesti - Makedonija

Воспоставена авионска линија од Скопје до Стокхолм

Нискобуџетната авио компанија Wizz ar во петокот воспостави директна редовна линија на дестинацијата Скопје – Стокхолм, која е предвидено да сообраќа два пати неделно, секој понеделник и петок.

Станува збор за директен лет од аеродромот „Александар Велики“ во Скопје до аеродромот „Скавства“ во Стокхолм.

Од Министерството за транспорт и врски информираат дека воспоставувањето на авиолинијата е во рамките на проектот за доделување финансиска поддршка за поттикнување и развој на воздушниот сообраќај во земјава, кој го реализира владата.

Wizz ar од октомври лани воспостави шест нови дестинации од Скопје до Милано, Италија, Ајндховен - Холандија, Дортмунд и Минхен – Германија, Малме – Шведска и Базел Милхасуен – Франција.